O presidente da Deputación da Coruña, Valentín González Formoso, reuniu á comisión político-técnica que se encargará da coordina...

14/10/2024

O presidente da Deputación da Coruña, Valentín González Formoso, reuniu á comisión político-técnica que se encargará da coordinación e seguemento do plan do para a construción e posta en funcionamento de tres novas residencias públicas para maiores de ámbito comarcal nos concellos de As Pontes, Rianxo e Ordes, que se desenvolverán en base a un novo modelo “innovador e pioneiro en Galicia”, radicalmente diferente ao que está establecido hoxe na comunidade.



As Pontes será o primeiro dos tres municipios da provincia no que se testará o novo modelo residencial público da Deputación da Coruña, cun centro piloto destinado a persoas maiores do municipios e da comarca, que contará cun maior número de traballadores en función do número de residentes no centro para garantir plans de atención totalmente individualizados, nun entorno máis amable e acolledor, con habitacións individuais, espazos e actvidades de convivencia interxeneracional abertos á comunidade, nos que se contará coa colaboración do tecido asociativo local, centros de ensino e familias para rachar co illamento que moitas veces sofren os maiores nestes centros.

https://vive.aspontes.org/as-pontes-sera-o-primeiro-dos-tres-municipios-da-provincia-no-que-se-testara-o-novo-modelo-residencial-publico-da-deputacion-da-coruna/

Máis info: