🍽️🍏 O Concello das Pontes, a través da Concellería de Benestar Social, destinará 47.000 euros ao programa municipal «Eu almorzo no cole» durante o curso escolar 2025-2026, xestionada a través das ANPAS dos centros educativos de Educación Primaria do municipio e que contou durante o curso pasado coa participación de máis de 120 familias pontesas.
Este programa, posto en marcha no ano 2019, ten como obxectivo principal axudar ás familias pontesas a 🤝 compatibilizar a vida laboral e familiar, ao tempo que promove hábitos saudables entre a poboación máis nova mediante propostas de almorzos baseadas no consumo de 🍒 froitas e lácteos, así como actividades lúdicas relacionadas coa práctica de 🤸‍♂️ exercicio físico.