🚣‍♂️ O pasado sabado, 23 de agosto, tivo lugar o Campionato Galego coa distancia de 2000m, na praia de Barraña en Boiro.
O club pontés Náutico Folixa proclamáronse como primeiros na liga feminina cun total de 77 puntos e subcampións galegos na clasificación xeral de clubs, a tan só 5 puntos do Breogan do Grove. 🏆
Cunha alta participación nun total de 7 categorías, na que lograron os seguintes resultados:
🥉 Na categoría BCS sobreviventes de cancro, seguen conseguindo podiums, neste caso conseguiron un terceiro posto cun tempo de 15’09”. Unha carreira sufrida por distancia pero cunha loita constante na que, a embarcación formada por Mónica ao tambor, Ángeles, Raquel, Lina, Sinda, Tania, Marta, Isa, Enma e Iván ao temón, puxeron todo o seu esforzo.
🥉 Outro terceiro posto na categoría Muller Veterano cun tempo de 14’13”, na embarcación formada por Mónica ao tambor, Iria, Elena, Roci, Tania, Isa, María L, Nely, Sinda, Veronica, Eva e Iván de temoneiro.
🥉 Do mesmo xeito, obtiveron o bronce a categoría Mixto Veterano cun tempo de 11’52”, na embarcación formada por Mónica ao tambor, Iria, Elena, Juan, Pedro, Marcos, David, Félix, Nely, Roci, María L. e Iván ao temón
O club Náutico Folixa volveu satisfeito e contento por todos os logros conseguidos na xornada deportiva e seguirán adestrando e mellorando para disputar a II Copa de España que se celebrará en setembro. Aínda que antes celebrarán, o 13 setembro, o 🐉 I Festival de Barco Dragón no Lago das Pontes.
📷 Náutico Folixa