COMPARTIMOS
🚘 As Pontes acolle este sábado a IV Clásica Vila de As Pontes.
Unha proba de regularidade destinada a vehículos históricos con máis de 25 anos de antigüidade. O evento, de carácter non deportivo, discorrerá por estradas abertas ao tráfico e cunha velocidade media sempre inferior aos ⏱️ 50 km/h, percorrendo distintos puntos do concello das Pontes e tamén do das Somozas.
📌 O parque pechado instalarase na rúa Alexandre Bóveda, no patio do colexio Santa María, onde se procederá á entrega da documentación aos participantes. O primeiro coche tomará a saída ás 15:30 horas, dando paso ao resto con intervalos dun minuto. A chegada do primeiro vehículo está prevista arredor das 21:00 horas no restaurante Pena da Revolta, onde terá lugar unha cea de confraternidade e a correspondente entrega de trofeos e agasallos.