CICLO TEATRO OUTONO - O DRAGÓN DE OURO de Sarabela Teatro
Unha noite, nun edificio de varios pisos, nalgún lugar de Europa:un mozo chinés sofre unha forte dor de moas na cociña do restaurante de comida rápida Tailandés - Chinés - Vietnamita, O Dragón de ouro. Non ten permiso de residencia e tampouco atopa a súa irmá desaparecida.
No balcón, sobre o Dragón de Ouro,un ancián quere retroceder no tempo mentres a súa neta, grávida, está diante das ruínas da súa relación porque o seu mozo non quere fillos.
No piso de abaixo, un home, deixado pola súa muller, visita ao seu amigo,un tendeiro enigmático que obriga a unha moza chinesa á prostitución. Dúas azafatas comen no restaurante. Unha delas topa e garda unha moa que caeu na súa sopa tailandesa.
Intercalada entre as escenas, está inserida a Fábula da Cigarra (que non gardaba nada no verán) e pídelle á Formiga que lle dea de comer.
O Dragón de ouro, é unha das obras deste autor máis representadas en todo o mundo. Mesmo hai unha adaptación á ópera.
📆 Venres, 17 de outubro
🕙 20:30 horas
📍 Auditorio Municipal Cine Alovi
🎟 https://aspontes.sacatuentrada.es/