𝐆𝐎𝐄𝐍𝐓𝐄 𝐀𝐂𝐎𝐋𝐋𝐄𝐑𝐀́ 𝐎 𝟏𝟐 𝐃𝐄 𝐎𝐔𝐓𝐔𝐁𝐑𝐎 𝐀 𝐅𝐄𝐈𝐑𝐀 𝐃𝐎 𝐐𝐔𝐄𝐈𝐗𝐎 𝐄 𝐃𝐎 𝐌𝐄𝐋
O Concello das Pontes organiza unha nova edición da tradicional Feira do Mel e do Queixo, que se celebrará o domingo 12 de outubro, na parroquia de Goente, en horario de 10:00 a 19:00 horas.
A cita, que este ano chega á súa décimo quinta edición, consolídase como un evento de referencia para a promoción dos produtos locais e da artesanía galega e reunirá postos de venda de mel e queixo, así como unha representación de artesanía alimentaria e de Artesanía de Galicia, ofrecendo tamén ao público obradoiros e degustacións que permitirán coñecer de preto os procesos de elaboración e calidade dos produtos.
Máis info: https://vive.aspontes.org/42249-2/