🎬 **As Pontes sumouse onte ao VIII Ciclo Nacional de Cine e Mulleres Rurais cunha actividade moi especial!**
Na aula polivalente da Casa Dopeso proxectamos a curtametraxe galega *O Lavadoiro*, unha obra de Ana Amado e Lois Patiño que pon en valor a memoria, a sororidade e o papel fundamental das mulleres nos espazos comunitarios do rural, como os antigos lavadoiros públicos.
🧺 Tras a proxección, abrimos un espazo de diálogo no que se falou das formas de vida de antes, das costumes arredor dos lavadoiros, da importancia da transmisión oral e do traballo cotián das mulleres que sustentaron a vida nas aldeas durante xeracións.
👏 A actividade contou cunha alta participación veciñal, creando un ambiente emotivo e reflexivo que nos permitiu lembrar, recoñecer e agradecer todo o que esas mulleres representan para a nosa historia e identidade.
🤝 Grazas a todas as persoas que vos achegastes por contribuír a facer desta proposta unha experiencia tan significativa.
Esta actividade forma parte do VIII Ciclo Nacional de Cine e Mulleres Rurais, organizado polo Ministerio de Agricultura, Pesca e Alimentación, que se desenvolverá entre o 15 de outubro e o 18 de novembro. O ciclo inclúe máis de 800 proxeccións e actividades en 470 localidades das 17 comunidades autónomas, con representación nas 50 provincias españolas.
#AsPontes #OLavadoiro #CineEGénero #MulleresRurais #MemoriaColectiva #CulturaNoRural #DíaDasMulleresRurais #Seitura22