🎭 As Alumnas – Teatro para lembrar e reflexionar
O venres 6 de marzo, ás 20:30 h, no Auditorio Municipal Cine Alovi, dentro da programación do 8M, chega As Alumnas, un espectáculo dirixido por Fina Calleja, con texto de Paula Carballeira e protagonizado por Anabell Gago e Mónica Camaño.
💡 Sobre a obra:
As Alumnas recupera a figura da pedagoga galega María Barbeito e reflexiona sobre o enorme retroceso que supuxo o franquismo na educación, especialmente para as mulleres. A través de dúas antigas alumnas de Barbeito, Elvira Fontao e Rosa Lires, a obra reconstrúe as transformacións sociais e educativas do seu tempo, mesturando memoria histórica, sororidade e fábula.
📚 A montaxe pon o foco na educación como ferramenta de liberdade e desenvolvemento, seguindo métodos inspirados en Maria Montessori e Ovide Decroly, e propón un exercicio de reapropiación da memoria individual e colectiva, invitando aos espectadores a participar activamente na reflexión sobre o pasado e o presente.
🎟️ Entradas: https://aspontes.sacatuentrada.es/
Non perdas esta oportunidade de revivir unha parte imprescindible da historia galega e reflexionar sobre o papel da educación na construción dunha sociedade máis xusta.