COMPARTIMOS 📣 PREMIOS PEL 2026 – DEPUTACIÓN DA CORUÑA
A Deputación da Coruña vén de publicar as bases da oitava edición dos Premios PEL (PEL-EPR PREMIO 2026), uns galardóns que recoñecen as mellores iniciativas empresariais da provincia dentro do Plan de Emprego Local (PEL).
🏆 Estes premios impulsan o emprendemento, a innovación e a sostibilidade, poñendo en valor o papel das empresas como xeradoras de emprego, riqueza e benestar, especialmente no rural.
💰 As empresas gañadoras de cada categoría recibirán un premio de 20.000 €, agás na categoría honorífica. Ademais, o xurado poderá outorgar accésits de 5.000 €, sendo de 15.000 € o premio para os primeiros clasificados neste caso.
📌 Categorías convocadas:
🔹 1. Iniciativa emprendedora
Para persoas autónomas, microempresas e pemes que iniciaran actividade en 2024, 2025 ou 2026.
🔹 2. Traxectoria empresarial
Para empresas con actividade iniciada en 2023 ou con anterioridade.
🔹 3. Iniciativa territorio sostible
Proxectos vinculados á transición ecolóxica, economía circular, sustentabilidade e protección do medio ambiente.
🔹 4. Iniciativa empresarial singular
Iniciativas creativas, innovadoras e con identidade propia, ligadas ao territorio, á tradición ou ao uso de recursos locais.
🔹 Categoría honorífica
Recoñecemento á mellor iniciativa transformadora do rural (sen candidatura nin dotación económica).
As bases completas e toda a información sobre a convocatoria están dispoñibles na páxina web dos Premios PEL: https://emprego.dacoruna.gal/premio