📚⚠️ AVISO
A sala infantil da Biblioteca Municipal Enrique Rivera Rouco permanecerá pechada ata novo aviso debido aos continuos comportamentos incívicos e á falta de respecto polas normas básicas de convivencia e uso dun espazo público.
🏛️ A biblioteca é un servizo público e un espazo común creado para o desfrute, a aprendizaxe e o fomento da lectura, especialmente entre a infancia. Cando estes espazos non se coidan, o prexuízo é para toda a veciñanza.
🛠️ Mentres se estudan e poñen en marcha medidas para evitar que esta situación volva repetirse, a sala infantil permanecerá pechada.
📖 O servizo de préstamo continuará dispoñible con normalidade.
💛 Lamentamos profundamente esta situación, especialmente por todas aquelas persoas e familias que si desfrutan da sala e contribúen a coidala cada día.
⏳ Traballaremos para atopar solucións o antes posible e recuperar este espazo nas condicións que merece.