✒ PRESENTACIÓN DO LIBRO. "Praia Artificial" de Abraham Pérez.
Baixo o suxestivo título que a crítica no suplemento Sermos Galiza de Nós Diario coroou como "O regreso das sereas", pola idea que evoca a reaparición do mito, a nostalxia do mar e os cantos de advertencia ou desencanto nun mundo dominado polo cemento e a rutina, este poemario de apenas 46 páxinas mergúllanos nunha atmosfera única.
A través dos seus versos, o autor explora as luces e sombras da nosa época, mesturando a nostalxia, o artificial e a profundidade emocional con esa sensibilidade tan característica que xa demostrou na súa narrativa previa.
📅 29 de maio de 2026
🕣 20:00 horas
📍 Biblioteca Municipal das Pontes