🏆🏁 Alberto Meira proclamouse, esta pasada fin de semana, vencedor do II #Rallyshow das Pontes, a cita central desta festa do motor organizada na localidade por parte da Deputación da Coruña e que congregou máis de 12.000 afeccionados nas bancadas do circuíto automobilístico das Pontes.
🚘 A competición contou cunha trintena de pilotos e fóra da pista, do meramente deportivo, un dos puntos con maior ambiente foi a Fan Zone, onde as persoas asistentes puideron 📸 fotografiarse cos pilotos e conseguir os seus 📝 autógrafos.
🍔 A programación incluíu un circuíto de educación viaria e houbo unha ampla zona de restauración. A xornada finalizou cun 🎶 broche musical que estivo a cargo de Sés.